Ań jáne balyq aýlaǵanda qandaı quraldardy paıdalanýǵa tyıym salynǵan

PETROPAVL. KAZINFORM – Soltústik Qazaqstan oblysy aýmaǵynda 1 aqpannan bastap «Brakoner» jedel-profılaktıkalyq is-sharasy ótkizilip jatyr.

SQO polıtsııa departamenti baspasóz qyzmetiniń málimetinshe, tabıǵatty qorǵaý polıtseıleri ańshylyq sharýashylyqtardyń qoryqshylarymen birge kúsheıtilgen rejımde ormandarda, sý aıdyndarynda reıdtik sharalar júrgizip jatyr.

Іs-sharanyń alǵashqy aptasynda tártip saqshylary ań aýlaý erejelerin buzǵan 88 faktini anyqtady.

- Eń jıi kezdesetin quqyq buzý — túlkiler men qoıandarǵa tuzaq qoıý, buǵan zańmen tyıym salynǵan. Qys mezgilinde balyq aýlaýdy unatatyndar muz ústine mas kúıde shyǵady nemese balyq aýlaý kezinde spırttik ishimdikter iship otyrady, aýlaýǵa ruqsat beretin qujatsyz keledi, kólderdi jalǵa alýshylardyń keıbiri sý qoımasynda «jerlıtsa» atalyp ketken quraldy ornatýǵa tyıym salady, muny da eskermeıtinder joq emes. ıAǵnı munyń barlyǵy balyq aýlaý erejelerin buzý, - deıdi SQO PD jergilikti polıtsııa qyzmeti basqarmasynyń quramyndaǵy tabıǵatty qorǵaý polıtsııasy tobynyń erekshe tapsyrmalar jónindegi aǵa ınspektory Ashat Qojabaev.

Polıtseıler balyq aýlaý erejesin buzǵan 23 faktini anyqtady. Sondaı-aq qarýdy saqtaý jáne tasymaldaý erejelerin buzǵan 9 derek tirkelgen.

Tártip saqshylary búgingi kúni oblysta asha tuıaqty jabaıy janýarlardy – elik, maral-dońyzdardy aýlaýǵa tyıym salynǵanyn eske salady.

Buǵan deıin Atyraýda mototsıklmen shana súıregen brakonerlerden 530 keli balyq tárkilengenin jazǵan edik.