Án aıtýdyń paıdasy ushan-teńiz
ASTANA. QazAqparat - Árkimniń ártúrli hobbıi bolary anyq. Degenmen mamandardyń «paıdasy bar» degenderin daǵdyǵa aınaldyrǵannyń zııany joq. Máselen án aıtý...
Bul týraly anabol.kz jazady.
1. Baqyt gormony bólinedi
Án shyrqaý mıyńyzǵa mol áserin tıgizedi. Sebebi án aıtqanda júıke júıesi tynyshtalyp, rahattanady. Sonymen qatar endorfın gormony bólinedi. Ony «baqyt gormony» dep ataıdy. Al ol sizdiń densaýlyǵyńyzda mańyzdy ról atqarady.
2. Kúsh-qýatyńyzdy arttyrady
Adam án aıtqan kezde kúsh-qýaty arta túsedi. Kóńil-kúıińiz kóterilip, sharshaǵanyńyz bir-aq sátte basylady.
3. Kúızelisti jeńedi
Án salý arqyly siz kúızelisti jeńesiz. Hormen birge nemese ansamblde án aıtatyn adamdar ózderin senimdi ári tabysty sezinedi. Depressııaǵa ushyraǵan kezde de án salǵan jaqsy. Nátıjesine kózińizdi jetkizesiz.
4. Tynys alý joldaryn tazartady
Án aıtý barysynda tynys alý joldaryńyzdy tazartasyz. Muryn, tamaq aýrýy ánshilerge kóp qaýip tóndirmeıdi. Tipti án aıtýmen aınalyssańyz, gaımorıtten de qorqýdyń qajeti joq.
5. Oılaý qabiletin jaqsartady
Orta júıke júıesi men mıyńyzǵa án salýdyń áseri kóp. Basqa óner túrlerine qaraǵanda onyń mımen baılanysy óte jaqyn. Oılaý qabiletin jaqsartyp, asa qaýipti aýrýlardyń biri - altsgeımerdiń de aldyn alady.
Eger áli ózińizdiń hobbıińizdi tappasańyz, onda án úıirmesine jazylýǵa keńes beremiz. Sonda siz joǵaryda aıtylǵan aýrýlar men zııandy zattardy esińizge de almaısyz.
