An-28 ushaǵynyń jazý quralyndaǵy málimet jumaǵa deıin belgili bolady - IDM
ASTANA. QazAqparat - QR IDM avıatsııalyq oqıǵalar men jaıttardy tergeý boıynsha basqarma basshysynyń mindetin atqarýshy Jambyl Isın 3 qazan kúni áýe apatyna ushyraǵan An-28 ushaǵyna qatysty tergeý amaldary týraly aıtyp berdi, dep habarlaıdy «QazAqparat» HAA tilshisi.
«Qazirgi ýaqytta komıssııa qurylyp, dala jumystary aıaqtaldy. Zertteý júrgizý úshin áýe kemesi angarǵa jetkizildi. Borttyń jazý quraly (qara jáshik - avt.) Máskeýdegi Memleketaralyq avıatsııalyq komıtetine jetkizildi. Borttyń jazý quralyna mehanıkalyq turǵydan tys, termıkalyq aqaýlar keltirilgendikten, biz komıssııanyń nusqaýyna sáıkes, ony Memleketaralyq avıatsııalyq komıtetine joldadyq. Osy aptanyń sársenbi nemese jumasyna deıin jazý quralyndaǵy aqparattar oqylady», - deıdi Jambyl Isın.
Onyń aıtýynsha, avıatsııalyq apattardyń tergeý amaldaryn júrgizý erejesine sáıkes, tergeý jumystaryna 1 aı ýaqyt beriledi. Eger qosymsha zertteý jumystary qajet bolǵan jaǵdaıda tergeý jumystary taǵy 6 nemese 10 kúnge sozylmaq.
Eske sala ketsek, 3 qazan kúni Almatydan Shymkentke ushqan An-28 sanavıatsııa ushaǵy áýe apatyna ushyrap, 5 adam qaza tapqan bolatyn.
