AN-24 ushaqtary áli ushyp júr, reısten qashan alynady – Mınıstr jaýaby
ASTANA. KAZINFORM – Elimizdegi 102 ushaqtyń beseýiniń qoldanysta bolýy merzimi 25 jyldan asqan. Bul týraly Kólik mınıstri Marat Qarabaev aıtty.
Májilistegi eldiń kólik-logıstıkalyq áleýetin damytýǵa arnalǵan Úkimet saǵatynda depýtat Samat Nurtaza mınıstrden elimizde qansha eski ushaq jolaýshylar tasymaldaıtynyn suraǵan edi.
- Jolaýshylardy turaqty tasymaldaýǵa 100-den astam áýe borty jumyldyrylǵanyn aıttyńyz. Eger áýe kompanııalarynyń saıttaryn qarasaq, ushaqtardyń jasy táýelsizdigimizben birdeı, 30 jyldan asyp ketken. Áýe kompanııalaryna zamanaýı ushaqtar alý kerektigin, sanyn arttyrý qajettigin kóp aıtamyz. Biraq, tek bılet baǵasy ǵana kóterile beredi. 102 áýe bortynyń qanshaýynda 25 jyldyq merzim ótip ketken? - dedi depýtat.
Mınıstrdiń atap ótýinshe, 102 ushaqtyń beseýiniń qoldanysta bolýy merzimi 25 jyldan asqan.
- Olar «ıÝjnoe nebo» kompanııasyna tıesili. Onda 5 eski AN-24 ushaqtary bar. Biz olardy ne úshin ustap otyrmyz? Mysaly, Zaısan, Úrjar áýejaılary basqa úlgidegi ushaqtardy qabyldaı almaıdy. Jergilikti halyq ol jaqqa ushaqtardyń qatynaýyn suraıdy. Byltyr jabamyz degen edik, halyq suraǵan soń qaldyrdyq. Zaısandy rettegennen keıin bul ushaqtar reısten alynady. Jalpy, ishki naryqta 671 baǵytta reıs bolsa, onyń 97 paıyzynda shyǵarylǵanyna 10 jylǵa deıingi ushaqtar qatynaıdy. ıAǵnı, olardyń qaýipsizdigi tolyǵymen qamtamasyz etilgen, - dedi Marat Qarabaev.
Buǵan deıin Májilis depýtaty Nurtaı Sabılıanov áýe kóligi salasyndaǵy máselelerdi ataǵanyn jazǵan edik.