An-24 apatynda eshkim tiri qalǵan joq: úsh kúndik aza tutý jarııalandy

ASTANA. KAZINFORM — Reseı Federatsııasynyń Amýr oblysynda apatqa ushyraǵan jolaýshylar ushaǵynda bolǵan 49 adamnyń eshqaısysy tiri qalmady, dep jazdy DW.

Ushaqqa 49 jyl bolǵany belgili boldy.

Qutqarýshylar apat ornyna jetti. Amýr oblysynda apatqa ushyraǵan ushaq bortynda bolǵan barlyq 49 adam qaza tapty, dep habarlady Tergeý komıteti. Amýr oblysynyń gýbernatory Vasılıı Orlovtyń málimetinshe, bortta 43 jolaýshy, sonyń ishinde bes bala jáne alty ekıpaj múshesi bolǵan.

«Angara» áýe kompanııasynyń An-24 ushaǵy Habarovsk — Blagoveşensk — Tynda baǵyty boıynsha ushyp bara jatqan. Tynda áýejaıynda ekinshi aınalymǵa kirgen kezde apatqa ushyrady.

TASS agenttiginiń habarlaýynsha, ushaq shamamen 50 jyl buryn shyǵarylǵan. Buǵan deıin «Angara» kompanııasynyń bas dırektory jańa tehnıka jetispeýshiligine baılanysty eski An-24 jáne An-26 ushaqtarymen ushýǵa ruqsat suraǵan bolatyn.

Aımaqta úsh kúndik aza tutý jarııalandy.

Eske sala keteıik, buǵan deıin apatqa ushyraǵan An-24 ushaǵynyń synyqtary Tyndadan 16 shaqyrym jerdegi taý baýraıynan tabylǵanyn jazǵan edik. 

Ushaq apatyna baılanysty Memleket basshysy Qasym-Jomart Toqaev Reseı Prezıdenti Vladımır Pýtınge kóńil aıtý jedelhatyn joldady.