An-2 ushaǵynyń apatqa ushyraýyna tehnıkalyq aqaý nemese adam faktory negizgi sebep bolýy múmkin
ASTANA. QazAqparat - Jambyl oblysynda apatqa ushyraǵan An-2 ushaǵyna qatysty Bas kólik prokýratýrasynyń arnaıy prokýrorynyń basqarýyndaǵy qurylǵan tergeý toby isti óz óndirisine qabyldap, QQ-tiń 344-babynyń 3-bóligimen sotqa deıingi tergep-tekserý áreketterin júrgizip jatyr, dep habarlady atalǵan vedomstvonyń baspasóz qyzmetinen.
«Qazirgi ýaqytta tergeý amaldary júrgizilip jatyr. Sot-medıtsınalyq saraptamalar taǵaıyndaldy, «Olımp Eır» JShS-nen tehnıkalyq qujattar alyndy. Tergeýde oqıǵanyń birneshe sebebi atalyp otyr. Sonyń biri ushaqtyń tehnıkalyq aqaýyna qatysty jáne adam faktoryna baılanysty», delingen habarlamada.
20 qańtar kúni saǵat 15-40-ta Jambyl oblysy Shý aýdanynda «Balqash-Shatyrkól ken oryny» baǵytynda áýesholý júrgizý kezinde «Olımp Eır» JShS-niń (tapsyrys berýshi «Kazqmys Korporatsııasy» JShS-niń BalhashTsvetMet ÓU) AN-2 markaly UP - A 0314 sandy ushaǵy Shatyrkól ken oryny aımaǵynda apatqa ushyrady.
Ushaq bortynda 7 adam, onyń ishinde 3-i ekıpaj músheleri, 4-i jolaýshylar (BalhashTsvetMet ÓU-nyń jumysshylary) bolǵan.
