AN-2 ushaǵynyń apatqa ushyraýyna baılanysty tergeý amaldary bastaldy - QR ІІM

ASTANA. QazAqparat - Jambyl oblysy Shý aýdanynyń Temir aýyly mańynda AN-2 ushaǵynyń apatqa ushyraýy faktisi boıynsha tergeý amaldary bastaldy.

Bul týraly QR Іshki ister mınıstrliginen habarlandy. Vedomstvo málimetine qaraǵanda, Shý stansasynyń Jelilik bóliminiń tergeýshileri QR Qylmystyq kodeksiniń 344-baby 3-bóliminde (qozǵalys qaýipsizdigi nemese áýe kóligin paıdalaný erejesin buzý) qarastyrylǵan qylmystyq quqyq buzýshylyq boıynsha sotqa deıingi tergeýdi bastady.

Qazirgi kezde bul is tergelý úshin Jambyl oblysy boıynsha QR Bas kólik prokýratýrasynyń arnaıy prokýratýrasyna tapsyryldy.

Eske salsaq, 2015 jylǵy 20 qańtarda Jambyl oblysynyń Shý aýdanynda ornalasqan «Qazaqmys» korporatsııasy» JShS-nyń Shatyrkól ken ornynda AN-2 ushaǵy apatqa ushyrady. Jedel-qutqarý jumystarynyń nátıjesinde ushaq ken ornynan 25 shaqyrym qashyqtyqtan tabyldy.

Áýe kemesi «Olımp EIR» kompanııasyna tıesili. Aldyn ala derekter boıynsha apatqa aýa raıynyń qolaısyzdyǵy (tuman) sebep bolǵan. Ushaq jerge qonbaqshy bolǵan sátte, jerge soqtyǵysý saldarynan apat oryn alǵan.