An-2 apatynan tiri qalǵan Ásem aldaǵy dúısenbi kúni jansaqtaý bóliminen shyǵady
ASTANA. QazAqparat - Jambyl oblysyndaǵy An-2 apatynan jalǵyz tiri qalǵan Ásem Shaıahmetova dúısenbiden bastap júre bastaıdy. Qudaı saqtap ajaldan aman qalǵan qyzdyń densaýlyǵy ońalyp keledi, dep habarlady KTK telearnasy.
Shý qalasynan Astanaǵa jetkizilgeli Ásemniń omyrtqasyna, jilinshik pen jambas súıegi jáne synǵan aıaǵyna 5 kúrdeli operatsııa jasalǵan. Zamanaýı qurylǵymen súıekteri arnaıy buramamen bekitilipti. Dárigerler gıpstiń ornyna Ásem Shaıahmetovanyń aıaǵyna Ilızarov apparatyn kıgizgen. Bulshyq etterine artyq kúsh túspes úshin syrqat onymen jarty jyl boıy júredi. Aldaǵy aptadan bastap, jansaqtaý bóliminen palataǵa aýystyrylatyn Ásem Shaıahmetova alǵashqy qadamdaryn da jasaı bastamaq.
Eske sala keteıik, osydan 10 kún buryn «Balqash tústi mettiń » bas geology AN-2 qulap qaq bólingende, ushaqtyń artqy bóliginde otyrýynyń arqasynda aman qalǵan.
