AN-2 apaty: Ushqyshqa medıtsınalyq kómek kórsetilýde
NUR-SULTAN. QazAqparat – Óskemen qalasyna taıaý jerge apatty jaǵdaıda qonǵan AN-2 ushaǵynyń qozǵaltqyshy órtengen. Bul jaıynda QR ІІM Tótenshe jaǵdaılar komıtetinen málim etti, dep habarlaıdy QazAqparat tilshisi.
«26 aqpan kúni saǵat shamamen 13:00-de Praporshıkovo aýylynan 10 shaqyrym jerde AN-2 ushaǵy qonǵan kezde qozǵaltqyshy órtengen. Ushqysh ushaqty aerodromnan tysqary jerde qondyrýǵa májbúr bolǵan. Bortta bolǵan 5 adam aman. Bir ushqyshqa medıtsınalyq kómek kórsetilip jatyr. Oqıǵanyń mán-jaıy anyqtalý ústinde», - delingen taratylǵan aqparatta.
Buǵan deıin Azamattyq avıatsııa komıteti «Orlan 2000» áýe kompanııasynyń An-2 áýe kemesi Óskemen – Aqsýat baǵyty boıynsha sanıtarlyq reısti oryndaý barysynda apatqa ushyraǵanyn habarlaǵan edi.
