An-12 ushaǵy «Lvov» áýejaıy mańyna apatty jaǵdaıda qondy

LЬVOV. Ýkrınform-QazAqparat – Búgin tańerteń radardan joǵalyp ketip, ushyp-qoný jolaǵynan 1,5 shaqyrym jerde tabylǵan An-12 ushaǵy «Lvov» áýejaıynyń mańynda apatty jaǵdaıda qonýǵa májbúr boldy, dep habarlaıdy QazAqparat ukrinform-ǵa silteme jasap.

Ýkraınanyń Tótenshe jaǵdaılar jónindegi memlekettik qyzmetiniń baspasóz qyzmetiniń málimetinshe, 4 qazan kúni saǵat 07:10-da «Lvov» halyqaralyq áýejaıynan 13,7 shaqyrym qashyqtyqta An-12 ushaǵy radardan joǵalyp ketkeni týraly habar kelip tústi. 07:29-da ekıpajdyń bir múshesi baılanysqa shyǵyp, An-12 ushaǵy apatty jaǵdaıda qonǵany týraly málim etken. 07:46-da An-12 ushaǵy ushyp-qoný jolaǵynan 1,5 shaqyrym jerde tabyldy», delingen habarlamada.

Ushaq órtenbegen. Ekıpajdy zaqymdalǵan ushaqtan shyǵarý jumystary júrgizilip jatyr.