Amýr jolbarysyn Qazaqstan tabıǵatyna beıimdeý jospary qabyldandy
ASTANA. KAZINFORM — Qazaqstanǵa amýr jolbarystaryn ákelý jáne beıimdeý jónindegi is-sharalar jospary bekitildi, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
— Qazaqstan Prezıdenti Qasym-Jomart Toqaevtyń Reseıge memlekettik sapary aıasynda Qazaqstanǵa amýr jolbarystaryn ákelý jáne beıimdeý jónindegi birlesken is-qımyl josparyna qol qoıyldy. Qujat aımaqta balamasy joq — Ortalyq Azııada jolbarysty qaıta qalpyna keltirý jobasy boıynsha ýaǵdalastyqtardy bekitedi, — dep túsindirdi vedomstvo.
Kelisimge eki eldiń ekologııa jáne tabıǵı resýrstar mınıstrleri — Erlan Nysanbaev pen Aleksandr Kozlov qol qoıdy.
Budan buryn habarlanǵandaı, Qazaqstan men Reseı «Soıýz-5» jáne «Báıterek» zymyran keshenderiniń ushý synaqtaryn ótkizý jónindegi komıssııa qurýǵa ýaǵdalasty.
Sondaı-aq,eki el arasyndaǵy erekshe ekonomıkalyq aımaqtardy damytý jónindegi ózara túsinistik týraly Memorandýmǵa qol qoıyldy.
Jalpy Prezıdenttiń Reseıge memlekettik sapary barysynda 13 kelisim qabyldandy.