«AMT» top-menedjerine jerleýge arnalǵan alqagúl berip jibergen jigit qamaldy
ASTANA. QazAqparat - «ArselorMıttal Temirtaý» AQ kómir departamentiniń dırektoryna qabir basyna qoıatyn alqagúldi berip jibergen er adam 60 táýlikke tutqyndaldy. Bul týraly telefon arqyly bizdiń tilshige Qaraǵandy oblysy ІІD baspasóz qyzmetiniń mindetin oryndaýshy B. Smaıylov habarlady.
Aımaqtyq ІІD-niń habarlaýynsha, Qaraǵandyda taksı júrgizýshisi arqyly kómir departamentiniń basshysyna alqagúl berip jibergen er adam ustaldy. Oqıǵa beısenbi, 28 shildede oryn aldy.
«Qaraǵandy oblysynyń 29 jastaǵy turǵyny ustaldy. Atalmysh fakti boıynsha materıal QR QK 115-babynda kózdelgen qylmys quramy belgisimen biryńǵaı sotaldy tergeý tizilimine engizildi. Qazir tergeý júrgizilýde. Jaza 60 táýlik tutqyndy kózdeıdi, aıyppul salýy da múmkin», - dep naqtylady B.Smaıylov.
