Amsterdamda maımyl sheshegine qarsy vaktsınatsııa bastaldy

AMSTERDAM. QazAqparat – Nıderland astanasynda maımyl sheshegine qarsy vaktsınatsııa bastaldy. Osal toptaǵy adamdarǵa erekshe kóńil bólinip jatyr, dep habarlaıdy QazAqparattyń menshikti tilshisi.

Nıderland baspasóziniń málimetinshe, 21 shildede Nıderlandta maımyl shesheginiń 712 jaǵdaıy tirkeldi, onyń basym bóligi – 429-y Nord-Holland jáne Flevoland qalalarynda.

Soǵan qaramastan, eldiń eń iri Amsterdam qalasynda maımyl sheshegine qarsy vaktsınanyń jetkilikti mólsheri bólindi.

Vaktsınanyń eki dozasyn 10 myń 500 adam saldyrady dep josparlanǵan.

Nıderlandynyń densaýlyq saqtaý mınıstrligi ıen qoǵamdyq densaýlyq saqtaý ınstıtýty RIVM eń aldymen vaktsınany AITV-nyń «PrEP» dárisin qabyldaıtyndar saldyrady dep bekitti.

Ekinshi kezekte AITV-ǵa shaldyqqandar egiledi.

«Maımyl sheshegi óte qaýipti bolýy múmkin, sondyqtan eń qaýipti toptaǵylardy qorǵaýymyz kerek», - dedi jergilikti densaýlyq saqtaý organynyń basshysy Shýla Raıksman.

2022 jyly Dúnıejúzilik densaýlyq saqtaý uıymy álemniń 71 elinde maımyl shesheginiń 14 myń jaǵdaıy anyqtalǵanyn habarlady.

Foto: Getty Images