Amsterdamda eki poıyzdyń soqtyǵysýynan 120-dan astam adam zardap shekti
ASTANA 24 sáýir. QazAqparat - Amsterdamdaǵy eki poıyzdyń soqtyǵysýy saldarynan kem degende 125 adam jaraqat aldy.
Euronews saıtynyń málimdeýinshe, 13 jaraly óte aýyr halde jatyr, dep habarlaıdy BNews.kz.
Apat senbi kúni keshkisin qalaǵa taqaý jerdegi Sloterdaık stansasynyń mańyndaǵy kópirde bolǵan. Halyqaralyq qatynastaǵy júrdek ekspress poıyzy elektrpoıyzymen betpe bet soqtyǵysqan. Qurama vagondary relsten shyqqan joq.
Apatqa baılanysty Amsterdamnyń batysyna qatynaıtyn temir jol jelisindegi barlyq poıyzdardyń qozǵalysy toqtatyldy. Saldarynda Nıderlandtardyń basty áýejaıy «Shıpholmen» baılanys úzilip qaldy. Oqıǵa ornynda zardap shekkenderge kómek kórsetip, qutqarýshylar brıgadasy jumys isteýde. Apattyń sebebi ázirge belgisiz kúıinde qalýda.
