Amsterdamda 3D-prınterdiń kómegimen turǵyn úı salynady
ASTANA. QazAqparat - Gollandııalyq sáýlettik kompanııa Amsterdamda 3D-prınterdiń kómegimen tutas úıdiń qurylysyn júrgizbek. Ǵımarat úsh ólshemdi baspa tehnologııasyn paıdalana otyryp salynady.
Qurylysqa materıal retinde bıoplastık qoldanylady. Al 3D-prınter retinde standartty prınterden birneshe ese úlken qondyrǵy ornatylady.
Kompanııanyń málimetine qaraǵanda, qurylysqa daıyndyq jumystary úsh jylǵa sozylýy múmkin. Ǵımarattyń ár qabatyn prıntermen basyp shyǵarýǵa bir apta ýaqyt ketedi eken. Jalpy úı úsh qabattan turady, al árbir qabattyń bıiktigi úsh metrge jýyq bolmaq, dep jazady sheteldik BAQ.
