Amsterdam soty Statı isine qatysty sheshimdi Qazaqstannyń paıdasyna sheshti

ASTANA. QazAqparat - 8 aqpanda Amsterdam aýdandyq soty kásipkerler Anatolıı men Gabrıel Statıdiń jáne olardyń kompanııalarynyń («Statı») «Samuryq-Qazynaǵa» qarsy shaǵymdary negizsiz dep sheshti. Sot Statıge «Samuryq-Qazyna» men Qazaqstan Respýblıkasy shekken sot shyǵynyn tóleýge mindettedi, dep habarlaıdy QazAqparat Ulttyq ál-aýqat qoryna silteme jasap.

Sheshim isti talqylaý barysynda shyǵaryldy. Onda Statı «Samuryq-Qazyna» is júzinde Qazaqstan Respýblıkasynyń bir bóligi, sondyqtan Qazaqstanǵa qarsy tórelik sheshim boıynsha boljamdy talaptar úshin jaýap beredi dep málimdedi.

Bul Nıderlandy sotynyń «Samuryq-Qazyna» men Qazaqstan Respýblıkasynyń paıdasyna Statı isi boıynsha alǵashqy sheshimi emes.

9 qańtarda Amsterdam Okrýgtik soty Nıderlandynyń jarııa tártibine qarsy keletin Anatol Statı, Gabrıel Statı, Ascom Group S. A. jáne Terra Raf Trans Trading LTD. (Statı) protsessýaldyq alaıaqtyǵy nátıjesinde alynǵan tórelik sheshimdi oryndaý týraly talap-aryzyn qanaǵattandyrýdan bas tarty.

Foto: depositphotos.com