Amsterdam qoǵamdyq oryndarda et pen qazba otyn jarnamasyna tyıym salmaq
ASTANA. KAZINFORM – Amsterdam Gollandııa qalalalarynda qolǵa alyna bastaǵan úrdisti jalǵastyra otyryp, klımat turǵysynan alǵanda zııandy jarmanaǵa tıym salmaq, dep habarlaıdy Euronews.
Basylymnyń jazýynsha, Amsterdam bul bastamany alǵash ret 2020 jyly kótergen jáne osyndaı qadamǵa barǵan álemdegi alǵash qala bolyp otyr.
Nıderland astanasy jańa bastama aıasynda qazba otynǵa da, et ónimderine de qatysty jarnamalarǵa tyıym salmaq. Sodan beri Frantsııa da jańartylmaıtyn energııa kózderimen jumys isteıtin kompanııalardyń jarnamasyn shekteıtin zań qabyldady. Al Italııanyń bir qalasy osy tájirıbeni qaıtalaýǵa nıetti.
-22 qańtarda Amsterdamnyń mýnıtsıpaldyq keńesi GroenLinks «jasyldar» partııasy men janýarlardy qorǵaý baǵytyndaǵy Partij voor de Dieren partııasynyń qoǵamdyq oryndar men qalalyq qoǵamdyq kólik jelisinde qazba otyn men et jarnamasyna tyıym salý jónindegi bastamasyn maquldady. Qabyldanǵan shara áýe tasymaldaryna, krýızdik saparlarǵa jáne benzınmen júretin avtokólikterge qatysty jarnamalardy da qamtıdy, — delingen habarlamada.
Qalalyq bıliktiń bir bóliginiń qarsylyǵyna qaramastan, jańa reglamenttiń resmı kúshine ený kúni 1 mamyr dep belgilendi.
Alaıda Amsterdamnyń vıtse-meri Melanı van der Horst bul tyıymdy dál mamyr aıynda engizý erterek ekenin aıtyp, «aqylǵa qonymdy ótpeli kezeń» belgileýge shaqyrdy.
Aıta keteıik, Amsterdam buǵan deıin osyndaı shekteýler engizgen Nıderlandtyń birqatar qalasynyń jolyn qýyp keledi. Olardyń qatarynda Ýtreht, Gaaga, Zvolle, Delft jáne Neımegen bar.
Bul sheshimderdi qoldaıtyn naýqan artynda turǵan uıymdardyń pikirinshe, qazba otyn jarnamasy temeki men alkogol jarnamasy sekildi qatań rettelýi tıis.
Frantsııa 2022 jyly jańa klımattyq zań aıasynda qazba otyn jarnamasyna tyıym salǵan Eýropadaǵy alǵashqy memleketke aınaldy. Atalǵan zań munaı ónimderi, kómir jaǵý arqyly alynatyn energııa jáne kómirsýtekter sekildi qazba otynmen baılanysty barlyq energetıkalyq ónimderdiń jarnamasyna shekteý qoıady.
Jańa zań talaptaryn buzǵan kompanııalarǵa 20 myńnan 100 myń eýroǵa deıin aıyppul salynady, al ereje qaıta buzylǵan jaǵdaıda bul soma eki eselenedi.
Osyǵan deıin Ózbekstanda sheteldegi qarýly qaqtyǵystardy jarnamalaǵandar jaýapqa tartylatyny týraly jazdyq.