Amsterdam áýejaıyn jarmaq bolǵan adam reseılik azamat eken
ASTANA. 14 aqpan. QazAqparat - Dúısenbi, 13 aqpan kúni Amsterdam qalasyndaǵy Shıphol áýejaıynda oryn alǵan oqıǵanyń keıbir jaılary anyq boldy, dep habarlaıdy RosBıznesKonsaltıng.
Áýejaıdy jarýǵa sóz bergen er adam Reseı azamaty bolyp shyqty, dep habarlaıdy Dutchnews, polıtsııa ótinishine silteme jasap.
Ustalǵan azamat Reseıdiń 40 jastaǵy turǵyny eken. Ózimen birge qujattary bolmaǵan soń, onyń esimi áli anyqtalǵan joq. Er adamnyń aǵylshyn, golland tilderinde sóılemeıtini atap ótiledi. Osy áreketti jasaýǵa túrtki bolǵan sebepterdi anyqtaý múmkin emes bolyp otyr.
Nıderlandydaǵy Reseı Elshiligi ázirshe bul aqparatty rastamaı jatyr.
Esterińizge sala keteıik, ótken dúısenbide áýejaıdyń mınalanǵany týraly habarlaǵan belgisiz er azamat dárethanany ishten bekitip aldy. Qaskúnemdi ustaý operatsııasy birneshe saǵatqa sozyldy. Shıphol kóshirildi, birneshe reıster toqtatylyp nemese júrmeı qaldy.
