Amstel Gold Reıs: Astana Pro Team veloshabandozy E.Gasparotto ótken jylǵy ataǵyn qorǵap qala almady
BRıÝSSELЬ. 15 sáýir. QazAqparat - Astana Pro Team veloshabandozy Enrıko Gasparotto Amstel Gold Reıs dodasynda máre syzyǵyn toǵyzynshy bolyp kesip ótti.
Sportshy óziniń ótken jylǵy ataǵyn jarystyń aqtyq synynda baǵdardyń ózgerýine baılanysty qorǵaı almady. Bul týraly Astana Pro Team veloquramasynyń resmı saıtynda málim etildi.
Ótken jyly Astana quramasy úshin óner kórsetetin ıtalıandyq E.Gasparotto Kaýberg shyńyn baǵyndyryp, jeńimpaz tanyldy. 2013 jyly jarysty uıymdastyrýshylar máre syzyǵyn Kaýberg shyńynan 2 shaqyrymǵa jýyq uzartty, bul jarystyń taktıkalyq sıpatyn tolyǵymen derlik ózgertti.
Jeksenbi, 14 sáýir kúngi jarysta jeńiske cheh Roman Kroıtsıger jetti.
Amstel Gold Reıs - nıderlandyq Lımbýrgtiń ońtústik bóliginde jyl saıyn ótetin kóktemgi klassıkalyq bir kúndik velojarys. Ol Nıderlandyda uıymdastyrylatyn bedeldi dodalardyń biri sanalady jáne osy ýaqytta UCI World Ranking qamqorlyǵymen ótkizilýde.
