AMSK mekemelerine tirkelý ornyn jylyna tek bir ret ózgerte alady
ASTANA. 28 qańtar. QazAqparat - Kez kelgen azamat turaqty nemese ýaqytsha turǵylyqty ornynda alǵashqy medıtsınalyq-sanıtarlyq kómek mekemesine (AMSK) jumys ornynan, oqıtynyn jerinen bir ákimshilik-aımaqtyq aýmaq sheginde bekitilip, dárigerdi ózi tańdaýǵa quqyǵy bar,
dep eske salady Astana qalasynyń resmı saıty Densaýlyq saqtaý basqarmasyna silteme jasap.
Dáriger men medıtsına mekemesin ózi tańdaǵan kezde azamattyń jylyna bir ret bir ǵana AMSK mekemesine bekitilýi qajet.
Medıtsınalyq mekemege bekitilý azamattyń ótinishi boıynsha, jeke basyn kýálandyratyn qujaty negizinde júzege asyrylady.
Bekitilgen adam densaýlyǵyna baılanysty AMSK mekemesine ózdiginen kele almaıtyn bolsa, óziniń jazbasha ótinishin tapsyrsa bolǵany. Bekitilý ózgertilgen kezde buryn berilgen talon AMSK mekemesine keri qaıtarylady. Al azamatqa, bekitýden shyǵarylǵany týraly basqa talon beriledi.
«AMSK mekemeleri atalǵan uıymda (emhanada) júkteme kóp bolǵan jaǵdaıda, azamatty bekitýden bas tartýǵa quqyǵy bar», - delingen habarlamada.
