ÁMSQ elorda fılıalyna І jartyjyldyqta turǵyndardan 76 myńnan astam ótinish túsken
«Olardyń bárin halyqty aqparattandyrý jáne ótinishterdi qaraý bóliminiń mamandary qarastyrdy», - dep habarlaıdy «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń baspasóz qyzmeti.
Baspasóz málimetterine qaraǵanda, 2021 jyldyń birinshi jartyjyldyǵynda 1165 shaǵym (2020 jyly osy aralyqta – 467 shaǵym) tirkelgen, olardyń bárin halyqty aqparattandyrý jáne ótinishterdi qaraý bóliminiń mamandary qarady.
Aıta ketý kerek, ótken jylmen salystyrǵanda, koronavırýs ınfektsııasymen syrqattanýshylar sany artqan kezde Qordyń qyzmet jetkizýshi – medıtsına uıymdarynda josparly kómektiń sapasy men qoljetimdiligi boıynsha turǵyndar tarapynan túsken shaǵym 40,1%-ǵa kóbeıgen.
«Medıtsına uıymdary óz ishterindegi patsıentterdi qoldaý jáne ishki aýdıt qyzmetteriniń jumysyn jolǵa qoıýy, tirkelgen turǵyndardyń qajettilikterin eskerip, olardyń sheshimin tabýyna múddeli bolýy tıis. Búgingi tańda patsıentter óz medıtsınalyq uıymdarynda tıisti kóńil bólinbegendikten, Áleýmettik medıtsınalyq saqtandyrý Qoryna júginip, óz quqyqtaryn qorǵaýǵa, máselelerin sheshý joldaryn Qor arqyly izdeýge májbúr. Eger medıtsına uıymynyń qyzmetine qanaǵattanbasańyz, patsıent retinde óz quqyǵyńyzdy qorǵaý úshin qaıda júginý kerektigin eske salǵymyz keledi», - dep atap ótti Áleýmettik medıtsınalyq saqtandyrý qory elorda fılıalynyń dırektory Nurlybek Qabdyqaparov.
Eń aldymen turǵan jerińiz boıynsha tirkelgen medıtsına uıymyndaǵy Patsıentti qoldaý jáne ishki saraptaý qyzmetine júginý kerek. Ol medıtsınalyq qyzmetti, olardyń tolyqtyǵyn jáne standarttarǵa sáıkestigin baqylaý úshin qurylǵan. Bul qyzmet medıtsına uıymynyń medıtsınalyq kómek kórsetýi men klınıkalyq qyzmetine ishki taldaý júrgizedi, medıtsınalyq qyzmet kórsetý standarttary men tártibiniń buzylýyn anyqtaıdy. Sondaı-aq azamattardyń ótinishterin, patsıentterdiń shaǵymdaryn qaraýmen aınalysady.
Áleýmettik medıtsınalyq saqtandyrý qorynda keńes alýǵa nemese shaǵym qaldyrýǵa bolatyn birneshe keri baılanys arnalary bar.
Shaǵymdar men ótinishterdiń eń kóbi 1406 Biryńǵaı baılanys ortalyǵy arqyly túsedi. Ótinishter sanaty men kúrdeliligine qaraı aqparatty óńdeýdiń úsh deńgeıli modeli boıynsha qaralady jáne bólinedi.
Birinshi deńgeıge konsýltatıvtik sıpattaǵy máseleler jatady. Ekinshi jáne úshinshi deńgeıge egjeı-tegjeıli zertteýdi qajet etetin ótinishter kiredi. Qor fılıalynyń mamandary medıtsınalyq uıymmen baılanysady, aqparat suratyp, medıtsınalyq kómek kórsetý nemese kórsetýden bas tartý sebepterin tekseredi.
Qormen keri baılanystyń halyq arasynda tanymal kelesi arnasy Qoldau 24/7 mobıldi qosymshasy (PlayMarket jáne AppStore-da ornatýǵa bolady). Munda qujattar qosa berilgen mátindik formattaǵy ótinishter joldanady. Ári qaraı ótinishke rettik nómir beriledi, sodan keıin óńdeý mártebesi baqylanady.
Áleýmettik medıtsınalyq saqtandyrý qorynyń fms.kz saıtyna da suraqtar, shaǵymdar men usynystar jiberýge bolady. Saıttyń basty betinde bannerler ornalastyrylǵan, olardan ótip, ótinish qaldyrýǵa bolady.
Ótinish berýdiń taǵy bir múmkindigi Telegram-da Saqtandyrybot arqyly qarastyrylǵan. «Basty mázir» belgisin basqannan keıin tańdaý úshin birneshe bólim bar. «1406-ǵa ótinish jiberý»-di tańdańyz. Ótinish bot komandalaryna sáıkes beriledi, onda óńir, medıtsınalyq uıymnyń ataýy jáne máseleniń máni kórsetiledi.
Qor tarapynan halyqqa qyzmet kórsetý jumystaryn jaqsartý úshin jetkizýshilerdi yntalandyrý boıynsha júıeli sharalar qabyldanýda. Áleýmettik medıtsınalyq saqtandyrý qory elorda fılıalynyń sarapshylary MÁMS paketinde jáne memleket kepildik bergen tegin medıtsınalyq kómek kólemi boıynsha jetkizýshiler kórsetetin qyzmetterdiń sapasy men kólemine monıtorıngti jalǵastyrýda.
