Ámir Zákirov - breıkıngten Olımpıadaǵa qatysatyn tuńǵysh qazaqstandyq sportshy
ASTANA. KAZINFORM - Ámir Zákirov breıkıngten 2024 jylǵy Parıj Olımpıadasyna joldama aldy. Ol atalǵan sport túrinen baq synaıtyn tuńǵysh qazaqstandyq bolyp otyr.
Vengrııa astanasy Býdapeshtte ótken irikteý týrnıriniń qorytyndysy boıynsha Ámir aldaǵy Olımpıadaǵa qatysýǵa múmkindik aldy.
Ol fınalda Nıderland ókiline ese jiberdi. Osylaısha, ekinshi orynmen qatar, olımpıadalyq kvota ıe boldy. Úshinshi oryndy Ońtústik Koreıa sportshysy enshiledi.
Eki irikteý kezeńiniń qorytyndysy boıynsha Ámir 71 upaı jınady (Shanhaıda ol 15-oryn alǵan).
Jalpy esepte qazaqstandyq sportshy altynshy orynnan kóringen.
Aıta ketsek, breıkıng Olımpıada baǵdarlamasyna alǵash enip otyr.
Demek, Ámirdiń kvotasy tarıhı joldama sanalady. Ol atalǵan sport túrinen Qazaqstan namysyn qorǵaıtyn tuńǵysh sportshy bolmaq.
Sondaı-aq sporttyq quzǵa órmeleýden Ámir Maımuratov Parıj Olımpıadasyna barady.
2024 jylǵy jazǵy Olımpıada oıyndary Parıjde 26 shilde men 11 tamyz aralyǵynda ótedi.
Dúbirli dodaǵa 205 memlekettiń 10,5 myń sportshysy 32 túrinen qatysady.
