Ámir Omarhanov juptyq synda Ýımbldon týrnıriniń shırek fınalyna shyqty

ASTANA. KAZINFORM – Qazaqstandyq Ámir Omarhanov juptyq synda jasóspirimder arasynda Ýımbldon týrnıriniń shırek fınalyna joldama aldy.

Qazaqstandyq tennısshi reseılik Egor Pleshıvtsevpen birge «Úlken dýlyǵa» jarysynyń 2-raketkalary, reseılik Tımofeı Derepasko – ıtalııalyq ıAkopo Vasamıdiń mysyn basty.

Bir saǵat 12 mınýtqa sozylǵan básekede qazaqstandyq-reseılik dýet 6:3, 6:2 esebimen basym tústi.

Ámir Omarhanov – Egor Pleshıvtsev jartylaı fınalǵa shyǵý úshin ońtústikafrıkalyq Konnor Doıg – úndistandyq Krısh Týıagımen talasady.

Qazaqstandyqtar Zańǵar Nurlanuly – Damır Jalǵasbaı ekinshi aınalymda amerıkalyq Djegger Lıch – ulybrıtanııalyq Olıver Bondıngke ese jiberip, shırek fınaldan tys qaldy – 3:6, 6:4, 8:10.

Qazaq tennısiniń jas juldyzy Á.Omarhanov ótken jyly T.Derepaskomen birge Rolan Garros týrnıriniń jartylaı fınalyna deıin jetken edi.

Eske sala keteıik, budan buryn Rolan Garrosta Ámir Omarhanovtyń jarystyń 3-raketkasyn utyp, jartylaı fınalǵa ótkenin jazǵan edik.