Ámir Omarhanov Týnıstegi jarystyń jartylaı fınalyna joldama aldy
ASTANA. KAZINFORM — Qazaqstandyq tennısshi, álemniń 771-raketkasy Ámir Omarhanov Monastır (Týnıs) ITF M15 týrnıriniń jartylaı fınalyna shyqty.
Qazaqstandyq tennısshi ekinshi aınalymda álemdik reıtıngide 1 378-oryndaǵy ulybrıtanııalyq Djeıms Konneldi joldan taıdyrdy — 6:4, 6:3.
Ámir shırek fınalda álemniń 651-inshi, osy jarystyń úshinshi raketkasy, portýgalııalyq Tıagý Torresti oısyrata utty — 6:1, 6:3.
Ámir Omarhanov fınalǵa shyǵý úshin reıtıngide 839-satydaǵy germanııalyq Lýka Vıdenmanmen talasady.
Qazaqstandyq tennısshi ótken aptada Monastırdegi jarystyń jartylaı fınalynda L.Vıdenmandy 6:4, 6:1 esebimen jeńgen bolatyn.
Á.Omarhanov sonymen qatar frantsııalyq Vıktor Paganettımen birge juptyq synda sátti óner kórsetýde.
Jarystyń 4-raketkalary bolyp tirkelgen qazaqstandyq-frantsııalyq jup shırek fınalda ulybrıtanııalyqtar Bendjamın Gýsık Van — Lıýtsıýs Gýtterrıdjdi joldan taıdyrdy — 6:3, 7:6 (7:4).
Eske sala keteıik, budan buryn 18 jastaǵy Ámir Omarhanovtyń bir kúnde eki matchty jeńispen túıindegenin jazǵan bolatynbyz.
Sondaı-aq Maıamı masters týrnırinde Pýtıntsevanyń Rybakınamen oınaıtyny habarlandy.
