Ámir Omarhanov Týnıstegi týrnırde top jardy

ASTANA. KAZINFORM – Qazaqstandyq tennısshi, 18 jastaǵy Ámir Omarhanov juptyq synda Monastır (Týnıs) ITF M15 týrnıriniń chempıony atandy.

Qazaqstapdyq tennısshi ıtalııalyq Matteo Sıbashımen birge fınalda jarystyń 4-raketkalary, frantsııalyqtar Aleksandr Obrıot – Sezar Býshelagemmen chempıondyq ataqty sarapqa saldy.

Birinshi partııada qazaqstandyq-ıtalııalyq jup 6:4 esebimen basym tústi. Olar ekinshi sette de sol basymdyqtaryn saqtap qaldy – 6:3. Osylaısha, Ámir Omarhanov – Matteo Sıbashı doda barysynda týrnırdiń favorıtterin jeńip, úzdik shyqty.

Eske sala keteıik, budan buryn Anna Danılınanyń Dýbaıdaǵy týrnırdiń fınalynan tys qalǵanyn jazǵan edik.

Sondaı-aq 18 jastaǵy Ámir Omarhanov Týnıstegi týrnırdiń fınalyna shyqqanyn habarlaǵanbyz.