Ámir Omarhanov Týnıstegi týrnırde bas júlde úshin talasady

ASTANA. KAZINFORM — Qazaqstandyq tennısshi, 18 jastaǵy Ámir Omarhanov Monastır (Týnıs) ITF M15 týrnıriniń fınalyna shyqty.

Álemdik reıtıngide 1115-orynda turǵan qazaqstandyq tennısshi jartylaı fınalda álemniń 776-ynshy, osy jarystyń 6-raketkasy, 18 jastaǵy germanııalyq Mıka Petkovıchpen kezdesti.

Birinshi sette Ámir aıqyn basymdylyq kórsetti — 6:2.

Ekinshi sette de sol qarqynynan jańylǵan joq — 6:2.

Ámir Omarhanov fınalda álemniń 824-raketkasy, taǵy bir germanııalyq, 18 jastaǵy Maks Shenhaýspen chempıondyq ataqty sarapqa salady. Ol jartylaı fınalda reıtıngide 1110-satydaǵy Cheng Dongty oısyrata utty — 6:2, 6:0.

Eske sala keteıik, budan buryn Ámir Omarhanovtyń Týnıstegi týrnırdiń jartylaı fınalyna ótkenin jazǵan bolatynbyz.

Sondaı-aq qazaqstandyq jas tennısshi Dýbaıdaǵy jarystyń fınalyna deıin jetti.