Ámir Omarhanov Prezıdent kýbogynda el namysyn qorǵaıdy

ASTANA. KAZINFORM – Astana qalasynda tennısten Prezıdent kýbogy aıasynda 27 shilde – 16 tamyz aralyǵynda ATP Challenger Tour jáne ITF World Tennis Tour týrnırleri ótedi.

Bıyl 18-shi ret uıymdastyrylyp otyrǵan Prezıdent kýbogynda el namysyn Grıgorıı Lomakın, Ámir Omarhanov, Zańǵar Nurlanuly, Damır Jalǵasbaı, Arýjan Saǵyndyqova, Asyljan Arystanbekova, Sandýǵash Kenjebaeva jáne basqa tennısshiler qorǵaıdy. 

Atalmysh dodada kezinde Danııl Medvedev, Andreı Rýblev, Karen Hachanov, Sebastıan Korda, Roman Safıýlın, Mıomır Ketsmanovıch sııaqty belgili sportshylar óner kórsetti.
Qazaqstan tennıs federatsııasy Prezıdent kýbogyn 1991 jyldan beri ótkizip keledi. 2007 jyly halyqaralyq mártebe alǵan jarysta ár jyldary qazaqstandyqtar Mıhaıl Kýkýshkın men Andreı Golýbev, ýkraınalyq Ilıa Marchenko, aýstrııalyq Sebastıan Offner, Germanııa quramasynyń qazirgi kapıtany Raıner Shýttler,

Aýstralııa ashyq chempıonaty men Rolan Garros týrnıriniń jeńimpazy, horvatııalyq Ivan Dodıg, juptyq synda «Úlken dýlyǵa» týrnıriniń eki dúrkin chempıony, qytaılyq Chjan Shýaı jáne basqalar úzdik shyqty.

Eske sala keteıik, budan buryn Zarına Dııastyń Portýgalııadaǵy týrnırde kambekpen shırek fınalǵa ótkenin jazǵan edik.

Sondaı-aq Ámir Omarhanov alǵash ret Ýımbldon týrnıriniń jartylaı fınalyna joldama aldy.

Búgin Á.Omarhanov juptyq synda reseılik Egor Pleshıvtsevpen birge Ýımbldon dodasynyń fınalyna shyǵý úshin talasady.