Ámir Omarhanov Meksıkadaǵy jarystyń jeńimpazy atandy

ASTANA. KAZINFORM – Meksıkanyń Merıda qalasynda jasóspirimder arasynda birinshi sanattaǵy ITF J500 týrnıri máresine jetti.

Qazaqstandyq tennısshi Ámir Omarhanov reseılik Tımofeı Derıpaskomen birge juptyq synda jeńimpaz atandy.

Qazaqstandyq-reseılik dýet fınalda jarystyń 1-raketkalary, chehııalyq Petr Brýnlık – ulybrıtanııalyq Charlı Robertsondy tize búktirdi – 6:4, 6:1.

Ámir Omarhanov jekeleı synda jartylaı fınalǵa deıin jetti. Onda frantsııalyq Tomas Fýrelge ese jiberdi – 2:6, 3:6.

Eske sala keteıik, budan buryn Ámir Omarhanovtyń Meksıkadaǵy týrnırdiń jartylaı fınalyna shyqqanyn jazǵan bolatynbyz.

Sondaı-aq tennısten álemniń eks 1-raketkasy dopıng daýyna ilikkenin habarladyq.