Ámir Omarhanov Astanadaǵy jarystyń jartylaı fınalyna shyqty

ASTANA. KAZINFORM — Qazaqstandyq tennısshi, álemniń 1349-raketkasy, 16 jasar Ámir Omarhanov Astanada ótip jatqan ITF M25 týrnıriniń jartylaı fınalyna ótti.

Qazaqstandyq tennısshi shırek fınalda álemniń 737-raketkasy, 28 jastaǵy úndistandyq Es De Pradjval Devpen sheberlik baıqasty.

Birinshi partııada Ámir 6:2 esebimen basymdylyq tanytty. Ekinshisinde úndistandyq tennısshi dál sondaı eseppen ese qaıyrdy — 6:2. 

Úshinshi, sheshýshi setti Omarhanov jeńispen túıindedi — 6:2. Tartysty oıyn 2 saǵat 43 mınýtqa sozyldy.

Osylaısha, Ámir elordada eresekter arasynda ótip jatqan jarystyń jartylaı fınalyna joldama aldy. Onyń kelesi qarsylasy keıin anyqtalady.

Taǵy bir qazaqstandyq, reıtıngide 1013-oryndaǵy Sandýǵash Kenjebaeva Astanada áıelder arasynda ótip jatqan ITF W35 dodasynyń shırek fınalda álemniń 417-raketkasy, reseılik Tatıana Prozorovaǵa jol berdi.

Ol bastapqy partııada 0:6 esebimen utylǵannan keıin básekeni jalǵastyrýdan bas tartty.

Eske sala keteıik, budan buryn Elena Rybakına Parıj Olımpıadasynda nege oınamaıtynyn túsindirgen bolatyn.