Ámir Omarhanov AQSh-taǵy álemdik jarystyń jeńimpazy atandy
ASTANA. KAZINFORM - Qazaqstannyń 18 jasqa deıingiler arasynda birinshi raketkasy Ámir Omarhanov juptyq synda AQSh-tyń Florıda shtatynda ótken ITF Juniors J500 Orange Bowl týrnıriniń chempıony atandy.
Qazaqstandyq tennısshi reseılik Tımofeı Derıpaskomen birge 18 jasqa deıingiler arasynda úzdik shyqty.
Qazaqstandyq-reseılik jup fınalda shveıtsarııalyq Anrı Berno – chehııalyq Denıs Petakpen bas júldeni sarapqa saldy. Omarhanov – Derıpasko kambekpen jeńiske jetti – 3:6, 6:1, 10:1.
Orange Bowl jyl saıyn Planteıshende ótkiziledi. Jarys jasóspirimder arasynda resmı emes álem chempıonaty bolyp esepteledi. Matchtar jasyl topyraq tósenishinde ashyq korttarda oınalady.
Eske sala keteıik, budan buryn Elena Rybakınanyń jańa bapkermen birge maýsymǵa daıyndyqty bastaǵanyn jazǵan edik.