Ámir Maımuratov sporttyq quzǵa órmeleýden álem kýbogy kezeńinde úzdik ondyqqa endi
ASTANA. KAZINFORM - AQSh-tyń Denver qalasynda sporttyq quzǵa órmeleýden álem kýbogynyń kezeńi aıaqtaldy. Bul týraly Ulttyq olımpıadalyq komıtet habarlady.
QR UOK málimetinshe, jyldamdyq sanatynda Qazaqstan atynan synǵa túsken Ámir Maımuratov úzdik ondyqtyń qataryna enip, jalpy esepte altynshy oryndy ıelendi.
Sondaı-aq Beknur Altynbekov te toǵyzynshy nátıje kórsetip, úzdik ondyqtyń qatarynan kórindi.
Atalǵan dıstsıplınada jeńisti ındonezııalyq Kıromal Katıbın jeńip aldy. Ekinshi orynǵa amerıkalyq Zak Hammer turaqtasa, qola medaldi Semıýel Vatson (AQSh) ıelendi.
Aıta keteıik, shaıbaly hokkeıden Qazaqstan quramasy qatysatyn 2026 jylǵy álem chempıonaty birinshi dıvızıonynda A tobyndaǵy oıyndardyń qaıda ótetini belgili boldy.
