AMÓZ-diń burynǵy bas dırektoryna qatysty qylmystyq is toqtatyldy

ATYRAÝ. KAZINFORM —  Atyraý oblystyq sotynyń qylmystyq ister jónindegi sot alqasy «AMÓZ» JShS-niń burynǵy bas dırektory Murat Dosmuratovqa qatysty isti birinshi satyda qarady. Bul týraly Atyraý oblystyq sotynyń baspasóz qyzmeti habarlady.

Tergeý organy Dosmuratovty qyzmetine salǵyrt qarady dep aıyptaǵan bolatyn. Prokýror sot jaryssózinde aıyptaýdy qoldaýdan bas tartyp, sottalýshynyń is-áreketinde qylmystyq quqyq buzýshylyq quramy joq ekenin atap ótti.

QPK-niń 35-baby boıynsha, prokýror aıyptaýdan bas tartqan jaǵdaıda is toqtatylady. Osyǵan sáıkes, Dosmuratovqa qatysty qylmystyq is qylmys quramy bolmaǵandyqtan qysqartyldy. Oǵan keltirilgen zııandy óteý jáne ońaltý quqyǵy túsindirildi.

Aıta ketelik Atyraý munaı óńdeý zaýytynda ıis shyǵaratyn munaıtutqysh nysany joıylǵany týraly jazǵan edik.