Amnesty International Izraıldi Gaza sektorynda genotsıd jasady dep aıyptady

ASTANA. KAZINFORM – Amnesty International quqyq qorǵaý uıymy beısenbi kúni jarııalanǵan baıandamada Izraıldi HAMAS-pen soǵys kezinde Gaza sektorynda genotsıd jasady dep aıyptady. Bul týraly Kazinform agenttiginiń menshikti tilshisi habarlady.

Quqyq qorǵaý uıymynyń 296 betten turatyn baıandamasy «Izraıldiń Gaza sektoryndaǵy palestınalyqtarǵa qarsy genotsıdi» dep atalady. Onda Izraıldiń qazirgi áreketin palestınalyq Hamas tobynyń 2023 jyldyń 7 qazanynda jasaǵan shabýylymen aqtaýǵa bolmaıtyny jazylǵan.

Amnesty International AQSh pen Izraıldiń basqa odaqtastarynyń genotsıdke qatysy bolýy múmkin ekenin aıtyp, olardy qarý-jaraq jetkizýdi toqtatýǵa shaqyrdy.

- Bizdiń tujyrymdar halyqaralyq qoǵamdastyqty oıatyp, bunyń genotsıd ekendigin dáleldeý qajet. Sondyqtan ony dereý toqtatý kerek, - dedi Amnesty International basshysy Anes Kallamar.

Izraıl genotsıd týraly aıyptaýlardy úzildi-kesildi joqqa shyǵardy.

- Amnesty International uıymy taǵy da jalǵan esep berdi. Ótken jyldyń 7 qazanynda genotsıdtik qyrǵyndy Hamas lańkestik uıymy bizdiń azamattarǵa qarsy jasady. Sodan beri Izraıl halqyn kún saıyn jeti túrli maıdan shebinen shabýyl jasalady. Izraıl halyqaralyq quqyqqa sáıkes bul shabýyldardan ózin qorǵaıdy, - dep habarlady eldiń Syrtqy ister mınıstrliginen.

Osyǵan deıin Izraıldiń burynǵy mınıstri Gazadaǵy qylmystarǵa óz elin aıyptaǵany týraly jazǵan edik.