Ammıak selıtrasynyń baǵasy arzandatyldy
«Mıneraldy tyńaıtqyshtardyń qoljetimdiligine keler bolsaq, jumystar josparly túrde júrgizilýde. Úkimet qoldaýynyń arqasynda dıqandardyń suranysyn qanaǵattandyrý úshin otandyq mıneraldy tyńaıtqyshtardy óndirýshilermen ýaǵdalastyqqa qol jetkizildi. Ammıak selıtrasynyń baǵasy 200 myń teńgeden 160 myń teńgege deıin tómendedi», -vedomstvo basshysy.
Mınıstrdiń málimeti boınysha, kóktemgi egis jumystaryn júrgizý úshin aýyl sharýashylyǵy taýaryn óndirýshiler «Keń dala» baǵdarlamasy arqyly 70 mlrd teńge kóleminde, Azyq-túlik kelisimshart korporatsııasynyń forvardtyq satyp alý baǵdarlamasy arqyly 80 mlrd teńge kóleminde jeńildetilgen kredıtpen qamtamasyz etilgen.
«Bul rette, aǵymdaǵy jyly forvardtyq satyp alý kólemi 2 esege artty. 17 naýryzdaǵy jaǵdaı boıynsha «Keń dala» baǵdarlamasy boıynsha 94,8 mlrd teńge somasyna ótinimder kelip túsip, onyń 46,6 mlrd teńgesi qarjylandyryldy. Osylaısha, bul maqsattarǵa bólingen kredıttik resýrstardyń alǵashqy 2 transhy tolyǵymen derlik ıgerildi. Azyq-túlik kelisimshart korporatsııasyna 76 mlrd teńgeden astam somaǵa ótinimder kelip túsip, onyń 52,5 mlrd teńgesi qarjylandyryldy», - dedi Erbol Qarashókeev.