Ammandaǵy Qazaqstan elshiligi jyl saıynǵy dıplomatııalyq jármeńkege qatysty
ASTANA. 17 qazan. QazAqparat - Ammandaǵy (Iordanııa) Qazaqstan elshiligi alǵash ret jyl saıynǵy dıplomatııalyq jármeńkege qatysty, dep habarlady elshiliktiń baspasóz qyzmeti.
Amman turǵyndary men sheteldik qonaqtar úshin 15 qazanda saýdaǵa ulttyq kádesyılar qoıylyp, elshiliktiń qyzmetkerleriniń oryndaýynda dombyrada kúıler oınaldy.
Jármeńke Iordanııanyń «Mabarrad Ýmma Al-Hýsseın» jetimder men kedeı balalarǵa kómek kórsetý assotsıatsııasymen uıymdastyryldy. Іs-shara Basma hanshaıymynyń (ІІ Abdalla korol ákesiniń ápkesi) qoldaýynyń arqasynda ótkizildi.
