Ammanda turǵyn úı opyrylyp qulap, 5 adam mert boldy
AMMAN. QazAqparat –Iordanııa astanasynyń Jabal-ál-Lvebde turǵyn aýdanynda tórt qabatty turǵyn úıdiń opyrylýy saldarynan 5 adam qaza taýyp, taǵy 14 adam jaraqat aldy, dep habarlaıdy QazAqparat.
Zardap shekkender aýrýhanaǵa jetkizildi. Úıindiler astynda taǵy da biraz adam qalǵan.
Iordanııanyń BAQ isteri jónindegi mınıstr jáne Iordanııa úkimetiniń ókili Feısal ál-Shbýl úıindi astynda shamamen 10 adam qalǵanyn aıtty. Biraq bul aqparattyń áli naqty emes ekenin jetkizdi. Qazirgi ýaqytta úıindi astynda qalǵan adamdardy qutqarý jumystary júrip jatyr.
Oqıǵaǵa qatysty tergeý bastaldy.
