Ámirjan Qosanovtyń shtaby saılaý baqylaýshylaryna arnap semınar ótkizdi

NUR-SULTAN. QazAqparat - Ámirjan Qosanovtyń shtabynda saılaý baqylaýshylaryna arnalǵan semınar-trenıng ótti. Bul jóninde kandıdattyń baspasóz qyzmeti habarlady.

Elordada Qazaqstan Respýblıkasy Prezıdenttigine úmitker Ámirjan Qosanovtyń respýblıkalyq saılaýaldy shtabynda saılaý kúni ýchaskelerde daýys berý protsesin qadaǵalaıtyn baqylaýshylar úshin semınar ótkizildi.

Іs-sharanyń moderatory jáne treneri Ashat Rahymjanov boldy, ol baqylaýshylardyń quqyqtary men mindetteri, saılaý kezinde oryn alýy yqtımal túrli jaǵdaılardaǵy áreketter jaıly túsindirdi.

Qatysýshylar qyzyǵýshylyq tanytqan taqyryptaryn kóterip, barlyq ózekti suraqtaryna jaýap aldy.