Ámirjan Qosanovtyń senimdi ókilderi mańǵystaýlyqtarǵa kandıdattyń saılaýaldy platformasyn tanystyrdy

NUR-SULTAN. QazAqparat - Aqtaý qalasyndaǵy Jastar úıinde QR Prezıdenttigine úmitker Ámirjan Qosanovtyń oblystyq shtabynyń músheleri jáne senimdi ókilderi turǵyndarmen kezdesip, kandıdattyń saılaýaldy platformasyn tanystyrdy.

Kezdesýge 30-ǵa jýyq adam qatysty. Jıyndy kandıdattyń oblystyq saılaý shtabynyń jetekshisi Estaı Sholaev júrgizdi. Іs-shara barysynda platformanyń negizgi baǵyttary talqylanyp, belsendi jastar, qoǵam qaıratkerleri men qarapaıym turǵyndar óz pikirlerin ortaǵa saldy.

Pikirlesý barysynda qatysýshylarǵa kandıdattyń ómirbaıany da tanystyrylyp, olar ózderiniń ózekti suraqtaryna shtab músheleri men senimdi ókilder tarapynan jaýap aldy. Kezdesý sońynda qatysýshylar ortaq estelik sýretke tústi.

Eske sala keteıik, QR Prezıdentiniń saılaýy 9 maýsym kúni ótedi. Saılaýǵa 7 kandıdat tirkeldi.