Ámirjan Qosanovtyń senimdi ókilderi Aqmola oblysynda boldy

NUR-SULTAN. QazAqparat - Prezıdenttikke kandıdat Ámirjan Qosanov shtabynyń ókilderi men úmitkerdiń senimdi ókilderi Aqmola oblysy Kókshetaý qalasynyń mańyndaǵy kórshiles Krasnyı ıAr jáne Nurly kósh aýyldarynda boldy. Bul jóninde kandıdattyń baspasóz qyzmeti habarlady.

Nurly kósh - búkil Qazaqstannan kóship kelgen turǵyndar qonystanǵan jańa aýyl.

Kezdesýge qos aýyldan jıylǵan 30-ǵa jýyq adam qatysty. Kandıdattyń oblystyq shtabynyń ókilderi olardy saılaýaldy platformanyń negizgi aspektilerimen tanystyrdy. Іs-sharany oblystyq saılaý shtabynyń bastyǵy Dahan Shógshir júrgizdi. Qatysýshylar osy qujatta kórsetilgen ári olarǵa asa mańyzdy bolyp kóringen máselelerdi talqylady. Kezdesý sońynda qatysýshylar estelik sýretke tústi.

Osymen besinshi kún saılaýaldy naýqan jalǵasýda. Úgit-nasıhat jumystary nátıjesinde shalǵaıda jatqan aýyldar da úmitkerlerdi tanı bastady.