Ámirjan Qosanovtyń kókshetaýlyq shtaby baqylaýshylar úshin semınar ótkizdi

NUR-SULTAN. QazAqparat - Kókshetaýda Qazaqstan Respýblıkasy Prezıdenttigine úmitker Ámirjan Qosanovtyń oblystyq saılaýaldy shtabynda saılaý baqylaýshylary úshin semınar ótkizildi. Bul týraly kandıdattyń baspasóz qyzmeti habarlady.

Saıasattanýshy Dos Kóshim búkil el boıynsha saılaý kúni ýchaskelerde daýys berý protsesin qadaǵalaıtyn baqylaýshylar daıyndaýdy jalǵastyrýda. Ol trenıng aıasynda baqylaýshylardyń quqyqtary men mindetteri, saılaý kezinde oryn alýy yqtımal túrli jaǵdaılarda ne isteý kerektigin aıtyp berdi.

Eske sala keteıik, QR Prezıdentiniń saılaýy 9 maýsym kúni ótedi. Saılaýǵa 7 kandıdat tirkelgen.