Ámirjan Qosanov Úshtóbe jurtshylyǵymen kezdesti

QARAǴANDY. QazAqparat - Qazaqstan Respýblıkasy Prezıdenttigine úmitker Ámirjan Qosanovtyń Qaraǵandy oblystyq saılaýaldy shtaby aımaqtaǵy úgit-nasıhat naýqanyn jalǵastyrýda, dep habarlaıdy QazAqparat úmitkerdiń baspasóz qyzmetine silteme jasap.

Búgin kandıdat shtabynyń músheleri jáne senimdi ókilder toby kandıdatpen birge Buqar Jyraý aýdanyndaǵy Úshtóbe aýylynda ornalasqan K.Marks atyndaǵy qus fabrıkasyna bardy.

Kandıdattyń óńirlik shtabynyń ókilderi olarǵa saılaýaldy tuǵyrnamanyń negizgi tarmaqtaryn tanystyrdy. Qatysýshylar qujattyń negizgi baǵyttaryn talqylady, aǵa býyn, belsendi jastar jáne qarapaıym turǵyndar óz pikirimen bólisti. Qatysýshylar, naqty aıtqanda, halyqtyń áleýmettik ál-aýqaty týraly tarmaqtardy atap ótti, sondaı-aq óz usynystaryn jasady.

Kezdesý sońynda qatysýshylar estelik sýretke tústi. Óńirlerdegi jáne aýyldyq jerlerdegi belsendi jumys - kandıdat shtabynyń basym baǵyttarynyń qatarynda.