Ámirjan Qosanov shtaby elorda irgesindegi Qoıandy aýylynda kezdesý ótkizdi

NUR-SULTAN. QazAqparat - Qazaqstan Respýblıkasy Prezıdenttigine úmitker Ámirjan Qosanovtyń respýblıkalyq saılaýaldy shtabynyń músheleri elorda irgesindegi Qoıandy aýylynda jergilikti turǵyndarmen kezdesti. Bul jóninde kandıdattyń baspasóz qyzmeti málim etti.

Kezdesýdi respýblıkalyq shtab jetekshisi Dáýren Babamuratov júrgizip otyrdy. Shtab ókilderi halyqpen kezdesýde úmitkerdiń saılaýaldy tuǵyrnamasyn tanystyryp, qujattyń negizgi baǵyttaryna toqtaldy.

Jıyn barysynda senimdi ókilder turǵyndardy tolǵantqan suraqtarǵa jaýap berdi.

Eske sala keteıik, aldaǵy 9 maýsym kúni ótetin prezıdent saılaýyna 7 kandıdat qatysyp jatyr.