Ámirjan Qosanov exit poll nátıjelerine pikir bildirdi
«Meniń birden aıtarym, bul saılaý biz úshin úlken jetistik boldy. Óıtkeni elimizdiń jańa tarıhynda qazaqstandyq oppozıtsııa birlesken kúshtersiz, jeke saıası partııasyz salmaqty saıası deńgeıge kóterilip, Parlament saılaýlaryndaǵy eki saıası partııanyń jeńisi úshin qajet bolatyn protsentti kórsetip otyr», - dedi Ámirjan Qosanov.
Onyń aıtýynsha, bul óte mańyzdy málimdeme.
«Men kandıdatýramdy qoldap daýys bergen barlyq saılaýshylarǵa, saılaý kampanııalarǵa alǵys bildiremin. Meniń baǵdarlamam qalaı qoldaý tapqandyǵyn men kórdim jáne osy elektorat, osy qoldaý, osy tsıfr bizge bılikpen túrli baǵyttarda dıalog ornatýǵa jáne biz aıtyp otyrǵan demokratııalyq qundylyqtardy damytýǵa múmkindik beredi», - dedi QR Prezıdentine úmitker.
«Árıne, egerde men birikken oppozıtsııanyń atynan kandıdat bolsam, artymda bekgraýndy bar tájirıbeli jeke saıası partııa turǵan bolsa, nátıjelerim budan da joǵary bolýshy ma edi. Sonyń ishinde, meniń nátıjeme shetelde júrgen, demokratııalyq lager boıynsha bizdiń keıbir áriptesterimiz jarııalaǵan dúrlikpe boıkot keri áserin tıgizdi. Bul da jalpy qorytyndyma kedergi keltirdi», - dedi Ámirjan Qosanov.
Bul rette ol qazaqstandyqtardyń qalaı daýys berip jatqanyn kórgenin aıtty.
«Ózim daýys berýge barǵan saılaý ýchaskede jáne teleekrannan da bılik tranzıti ne degenmen, halyqtyń qatysýymen, onyń pikiri eskerile otyryp ótetinin kórdim. Meniń usynǵan baǵdarlamalyq maqsattarym Qazaqstannyń keleshek modelin qalyptastyrý kezinde eskeriledi degen oıdamyn», - dedi QR Prezıdenttigine kandıdat.
«Aıtqym keletini, búgin daýys berý kezinde Prezıdent Toqaevty estıtin bolamyz. Ol qoǵammen dıalog júrgizýge, ózgeshe kózqarasqa, ásirese jastar tarapynan alternatıvti pikirge tózimdilikke nıetin kezekti márte qýattady. Sol sebepti, men de ony búgingi jeńisimen quttyqtaǵym keledi. Jáne qoǵam men bılik arasynda dıalogtyń qajettigi jónindegi onyń sózderi bos sóz bolyp qalmaı, iske asyrylady dep oılaımyn.
Sondaı-aq biz, oppozıtsııa retinde, demokratııalyq kúsh retinde osyndaı birlesken kúreske baǵyttalatyn bolamyz», - dep túıindedi ol.
