Ámire Qashaýbaev atyndaǵy baıqaýdyń bas júldesin ánshi Slıamǵalı Dáýrenbek enshiledi

PAVLODAR. QazAqparat - «Qulaqtan kirip, boı̆dy alar...» atty dástúrli ánshiler onlaı̆n-baı̆qaýynda Isa Baızaqov atyndaǵy Pavlodar oblystyq fılarmonııasynyń dástúrli ánshisi Slıamǵalı Dáýrenbek óner kórsetti, dep habarlaıdy Ravlodarnews.kz.

Hákim Abaı̆dyń 175 jyldyq mereı̆toı̆y aıasynda uıymdastyrylǵan shara Ámire Qashaýbaev atyndaǵy memlekettik fılarmonııasynyń 75 jyldyǵyna arnalǵan.
- ShQO mádenıet, arhıvter jáne qujattama basqarmasynyń qoldaýymen 2020 jyldyń 1 men 5 qyrkúı̆ek kúnderi aralyǵyna onlaın formatta ótken baıqaýda Nur-Sultan, Almaty, Shymkent, Atyraý, Jambyl, Qaraǵandy, OQO, ShQO jáne SQO óńirleriniń ánshileri baq synady. Osy dodada jas ánshimiz Slıamǵalı Dáýrenbek kópshilikti óz ónerimen tánti etip, bas júldeni jeńip aldy. Ol QR Mádenıet salasynyń úzdigi Amengeldi Qojanovtan bilim alǵan, - deıdi oblystyq fılarmonııanyń bas redaktory Sáýle Muqaeva.

Slıamǵalı Dáýrenbek 1996 jyly Pavlodar oblysy Tereńkól aýdanynyń Qyzyltań aýylynda dúnıege kelgen.
2012-2016 jyly daryndy balalarǵa arnalǵan mýzykalyq kolledj, mýzykalyq mektep-ınternatynda dástúrli án oryndaý mamandyǵy boıynsha oqydy.
2014 jyly oblystyq dástúrli án oryndaýshylary arasynda ótken baıqaýdyń bas júldegeri.
2014 jyly Qaraǵandy oblysynda dástúrli ánshiler baıqaýynda ótken І halyqaralyq «Tulǵa» baıqaýynda gran-prı ıegeri.
2016-2020 jyldary Qurmanǵazy atyndaǵy qazaq ulttyq konservatorııasynda «Dástúrli mýzyka óneri» mamandyǵy boıynsha ustazy QR Eńbek sińirgen qaıratkeri Shúkimanov Erkin Tursynǵalıulynan bilim alǵan.
2017 jyly Tursynǵazy Rahımov atyndaǵy respýblıkalyq konkýrstyń jáne 2019 jyly Mádı Bápıuly atyndaǵy respýblıkalyq konkýrstyń laýreaty.