Ámir Zakırov Japonııada ótip jatqan Breaking for Gold týrnıriniń jeńimpazy atandy

ASTANA. QazAqparat – Otandasymyz Ámir Zakırov Japonııada ótip jatqan Breaking for Gold breık dans týrnıriniń jeńimpazy atandy, dep habarlaıdy QazAqparat Mádenıet jáne sport mınıstriniń áleýmettik jelidegi paraqshasyna silteme jasap.

Qazaqstannyń taǵy bir jarqyn jeńisi! Otandasymyz Ámir Zakırov Japonııada ótip jatqan Breaking for Gold breık dans týrnıriniń jeńimpazy atandy. Altyn medal úshin kúreste qazaqstandyq bıshi AQSh pen kúnshyǵys elinen qatysqan qarsylastarynan ozyq shyqty

, - dep jazady Ashat Oralov.

Mınıstr málim etkendeı, jarysqa álemniń 48 elinen barlyǵy 180 sheber breıkdanser qatysqan, onyń 99-y – jigit jáne 81-i – qyz.

Ámir Nıderlandydan kelgen 4 dúrkin álem chempıony Menno men kanadalyq qazirgi álem chempıony Phil Wizard-tan basym túsip, týrnırdiń óte qıyn kezeńinen ótti. Sondaı-aq, bizdiń breıkdanser byltyrǵy álem chempıonatynyń fınalısi – japondyq Shigekix-ti jeńdi. Men Ámirdiń osy deńgeıdegi týrnırlerdegi alǵashqy jáne sońǵy jeńisi emes ekenine senimdimin. Ámirdi jáne barlyq qazaqstandyqtardy tolaǵaı tabyspen quttyqtaımyn, sondaı-aq chempıonymyzǵa qarqynyn údetpeı 2024 jylǵy Olıpıadada Qazaqstan atynan laıyqty óner kórsetýin tileımin

, - deıdi mınıstr.

Vedomstvo basshysy breıkdans 2024 jylǵy Olımpıadada resmı dıstsıplınanyń biri bolatyny atap ótken.