Amır Han Rıodaǵy Olımpıadada Pákistannyń namysyn qorǵaýǵa nıetti
ASTANA. QazAqparat - Amır Han (31-4, 19 KO) Rıo-de-Janeırodaǵy Olımpıada oıyndarynda Pákistannyń namysyn qorǵaýǵa daıyn ekenin málimdedi, dep habarlady boxingnews24.com. Bul AIBA kásipqoı boksshylar úshin shekteýden bas tartqan soń múmkin boldy, dep jazdy vesti.kz.
2004 jylǵy Olımpıadada Ulybrıtanııanyń namysyn qorǵaǵan Han kúmis medalǵa ıe bolǵan.
«AIBA sheshimin qoldaımyn, - dedi Han. - Eger erejeler men promoýter ruqsat berse, Olımpıadada Pákistannyń namysyn qorǵaǵym keledi. Pákistan úshin qyzmet etkim keledi».
Hannyń Oıyndarǵa qatysý sheshimin onyń promoýterleri men Pákistan boks Federatsııasy birlesip qabyldaıdy. Bul boksshynyń brıtanııalyq jankúıerleri arasynda narazylyq týdyrýy múmkin.
