Amır Han eki jyldyq úzilisten keıin qarsylasyn birinshi raýndta sulatyp saldy
ASTANA. QazAqparat - 63,5 kg salmaq sanatyndaǵy Dúnıejúzilik boks qaýymdastyǵy (WBA) jáne Halyqaralyq boks federatsııasy (IBF) nusqalary boıynsha burynǵy álem chempıony brıtandyq Amır Han eki jylǵa sozylǵan úzilisten soń rıngte jasyndaı jarqyldady.
Ol Lıverpýlde 69,9 kg salmaq dárejesindegi 12 raýndtyq jekpe-jekte kanadalyq Fıla Lo Grekony birinshi raýndta esten tandyra qulatty.
Brıtandyq alǵashqy soqqylarynyń birimen qarsylasyn nokdaýnǵa jiberdi. Al arada sál ǵana ýaqyttan soń ústi-ústine soqqylap kanadalyqty sulatyp saldy. Tóreshige esepti ashpaı jatyp jekpe-jekti toqtatýǵa týra keldi, dep habarlaıdy TASS.
Eske sala ketsek, Han sońǵy ret rıngke 2016 jylǵy mamyrda shyqqan edi. Qarsylasy meksıkalyq Saýl Alvares ony altynshy raýndta nokaýtqa túsirgen. Endi esebinde 32 jeńis (20 nokaýt) 4 jeńilis bar. Brıtandyq 2009-11 jyldar aralyǵynda WBA álem chempıony tıtýlyn ıelengen, ony bes ret qorǵap qala aldy. Sondaı-aq 2011 jyly WBA beldigin enshiledi.
Al 33 jastaǵy Lo Greko tórtinshi ret jeńilistiń aşy dámin tatty. Ol 28 ret qarsylasynan basym túsken (15 nokaýt).
