Amır Han 2018 jylǵy naýryzda boksqa qaıta oralady
ASTANA. QazAqparat - Bokstan burynǵy álem chempıony brıtandyq Amır Han 2018 jyldyń naýryzynda boksqa qaıta oralatyndyǵyn málimdedi.
Eks-chempıon alǵashqy aıqasyn Ulybrıtanııada ótkizýdi kózdep otyr, dep jazdy sports.ru .
Sońǵy kezderi Han óz ýaqytyn jýnglıdegi «Men áıgilimin... Meni bul jerden alyp ketińder» teleshoýynyń túsirilimine qatysýmen ótkizýde.
«Men naýryzda aıqasýǵa bel býdym. Men jýngıde kún saıyn jattyǵýdamyn. Osy baǵdarlamaǵa qatysqanyma qýanyshtymyn, bul men úshin qaıta ońalýyma yqpal etti. Men óz-ózime keldim. Endi Ulybrıtanııada óner kórsetkim keledi. Ýaqyt keldi degen oıdamyn», - dedi Amır.
Eske sala ketsek, Han sońǵy jekpe-jegin 2016 jyly naýryzda ótkizgen edi. Bul aıqasta ony Saýl Alvares altynshy raýndta nokaýtqa túsirgen bolatyn.
