Ámir Baıǵazınniń fılmi «Máskeý premerasynyń» basty eki júldesin jeńip aldy
NUR-SULTAN. QazAqparat – Reseı astanasynda «Máskeý premerasy» halyqaralyq kınofestıvaliniń jeńimpazdaryn marapattaý saltanaty boldy, dep habarlaıdy «QazAqparat» HAA Qazaqstannyń Reseıdegi Elshiligine silteme jasap.
Ámir Baıǵazınniń «Reka» fılmi baıqaýdyń Gran-prıin jeńip aldy.
«Máskeý premerasy» festıvali 29 qazannan 3 qarashaǵa deıin «Gorızont» kınoteatrynda boldy. Oǵan Qazaqstan, Armenııa, Qyrǵyzstan, Moldova, Ýkraına, Grýzııa, Latvııa, Estonııa, Reseı elderiniń kınomatograftary qatysty.
Festıval aıasynda tolyq metrajdy jáne qysqa metrajdy fılmderdiń baıqaýy boldy ári «Halyqtar dostyǵy» tsıklinde burynǵy úzdik fılmder, birlese shyǵarylǵan kınolar kórsetildi.
Festıvalda negizgi qazylar alqasynan bólek, Reseı kınoklýbtarynyń qazylar alqasy da kartınalarǵa baǵasyn berip otyrdy. Buǵan deıin 75-shi Venetsııa kınofestıvalinde «Kókjıekter» baǵdarlamasynyń «Altyn arystan» júldesin jeńip alǵan «Reka» fılmin olar da úzdik dep tanydy.
Qazaqstan atynan Sergeı Dvortsevoıdyń «Aıka» jáne Ádilhan Erjanovtyń «Rıeltor» fılmderi baıqaýdan tys kórsetilim aıasynda kórermenderge usynyldy.
Qysqa metrajdy fılmder baıqaýyna jas rejısserlar Eldar Shıbanovtyń «Zoopark» jáne Shuǵyla Serjannyń «Samal» fılmderi qatysty.
