Ámir Ahetovtiń ólimine baılanysty qylmystyq is qozǵaldy
ASTANA. QazAqparat - QR Prezıdenti Іs basqarmasynyń Medıtsınalyq ortalyǵy aýrýhanasynyń dırektory Ámir Amantaıuly Ahetovtiń ólimine qatysty qylmystyq is qozǵaldy. Bul týraly búgin Úkimet otyrysynan keıin QR Іshki ister mınıstri Qalmuhanbet Qasymov aıtty, dep habarlaıdy QazAqparat tilshisi.
«Atalǵan ólim faktisi boıynsha qylmystyq is qozǵadyq. Onyń denesinde jaraqattar bar. Sebebin artynan anyqtaıtyn bolamyz», - dedi Q.Qasymov.
Esterińizge sala ketsek, QR Prezıdenti Іs basqarmasynyń Medıtsınalyq ortalyǵy aýrýhanasynyń dırektory Ámir Ahetov 3 aqpanda kóz jumdy.
Ámir Amantaıuly medıtsına ǵylymdarynyń doktory, QR Ulttyq ǵylym akademııasynyń qurmetti múshesi, Reseı Jaratylystaný ǵylymdary akademııasynyń professory boldy. Ol 2017 jyly ǵalymdar tobynyń quramynda uzaq ómir súrý jolyndaǵy ázirlemesi úshin ǵylym men tehnıka salasyndaǵy ál-Farabı atyndaǵy Qazaqstan Respýblıkasynyń memlekettik syılyǵyn ıelendi.
